കൊടുങ്ങല്ലൂർ: തിരുവഞ്ചിക്കുളം മഹാദേവക്ഷേത്രത്തിൽ ദേവാങ്കണം ചാരുഹരിതം പദ്ധതിയുടെ ഉദ്ഘാടനം നടന്നു. കൊച്ചിൻ ദേവസ്വം ബോർഡിന്റേയും ഹരിതം ഗ്രൂപ്പ് പെരിഞ്ഞനത്തിന്റെയും സംയുക്താഭിമുഖ്യത്തിൽ ഇന്ന് രാവിലെ 7.30 ന് ക്ഷേത്രം കൊട്ടാരവളപ്പിൽ ഹരിതം ഗ്രൂപ്പിന്റെ തോട്ടത്തിൽ നിന്നും കൊണ്ടുവന്ന ഹൈബ്രിഡ് പച്ചക്കറി തൈകളും, തെച്ചി, തുളസി, കദളിവാഴ തുടങ്ങിയ ക്ഷേത്രത്തിലേക്ക് ആവശ്യമായ വിഷരഹിതമായ വിഭവങ്ങളും ഒരുക്കുവാൻ പൂങ്കാവനത്തിന് തുടക്കം കുറിച്ചു.
ദേവസ്വം ഓഫീസർ സുധീർ മേലെപ്പാട്ടിന്റെ അധ്യക്ഷതയിൽ കൂടിയ ചടങ്ങിൽ സായ് ട്രസ്റ്റ് ചെയർമാൻ മൗനിയോഗി സ്വാമി ഹരിനാരായണൻ തൈ നട്ട് ഉദ്ഘാടനം നടത്തി.
ഹരിതം ഗ്രൂപ്പ് ചെയർമാൻ ഹരിദാസ് സ്വാമി, കോർഡിനേറ്റർ സജീവൻപടിഞ്ഞാറേ കുറ്റിയിൽ, അജിത് പ്രസാദ്, രാജേഷ് പി കെ, വാർഡ് കൗൺസിലർ വിജയകുമാർ, സമിതി പ്രസിഡന്റ് സത്യധർമ്മൻ അടികൾ, ജീവനക്കാർ ഭക്തജനങ്ങൾ മുതൽ മുതൽപേരുടെ സാന്നിധ്യം കൊണ്ട് ചടങ്ങ് ധന്യമാക്കി.